Oriseik, domingo 27, ita iha misa domingo -no Calasanz nian- be Pedro da Cruz preside, misa dahuluk ba skolapio timoroan uluk ne’e. Komisaun husi komunidade kristán Makili nian prepara tiha ona buat hotu. Resepsaun loron ida, knananu sira, musika, misa, rei-liman, selebra kultura, liafuan sira, dahur tebe, spikers, fatin hodi selebra, no han-kalan, han-dadeer no han meiudia, ba loron rua ne’e. Esforsu boot husi ema hotu be halo ita senti komunidade.
Relativu sira akompaña Pedro iha loron sira ne’e. Nia preside konselebrasaun ho amu paroku (P. Guido Pereira), ho P. Daniel no diakonu Ewaldus (be sei simu ordenasaun loron 3 outubru iha Atambua).
Ksolok tanba halibur fali no tanba skolapiu amu dahuluk hakonu loron rua ne’e. Mai Maromak halo buat sira ne’e fó ai-fuan sira no skolapio sira foun sei tau tan ba misaun (katak “timoreskolapio”)
Recent Comments