Iha Makili ami hahuu ona -segunda kotuk loron 2 fulan maiu- edukasaun la formal ida ho labarik husi ensinu primáriu ka sekundáriu, liuhusi semana. Aspetu balun hanesan “Learning with Calasanz” be hala’o iha Atambúa: ami hanorin lian Inglés no portugués, ema no kristaun nia folin, eduka liuhusi arte (múzika, hananu, deseñu, teatro…). Oras ne’e labarik mane no feto be partisipa besik atus ida.
Ema balun husi lubun ne’e partisipa mós iha ita nia meditasaun no orasaun loro monu.
Kleur atu prepara ne’e, maibé ami kontenti. Husi dahuluk ami hanoin halo ne’e nuudar kolaborasaun ho fasilitador sira husi Makili: katekista sira, eskolante husi ami nia Eskola Turizmu Atauro, no voluntário seluk.
Nune’e, labarik no foinsa’e bele ksolok tempu sira iha emana atu halo hamutuk atividade be halimar no moos aprende iha neon no iha fuan. Piedade no Letras.
Recent Comments